Match 13 chak zawn thei Warriors

Nimin zing NBA regular season inkhelah Golden State Warriors chuan 120-111 in Phoenix Suns an hneh. Inkhel dang­ah Cleveland Cavaliers chuan Boston Celtics 114-91 in an hneh ve bawk.

Golden State hian a zawna vawi 13 an chakna an tawn ni hian Stephen Curry-a’n point 42 a score bakah assists vawi 11 a nei bawk, season kal laiah match 65 hnehna an chang tawh. Warriors hian Pathianni zing dar 8:00-ah New Orleans Pelicans an mikhual leh dawn.

NBA champoin Cleveland tan LeBron James chuan court chhung­ah minute 38 hun a hman chhungin point 36 a score bakah rebounds vawi 10 a la bawk. Cavs hi a zawna match thum an chak loh hnuah tun hnaiah a zawnin vawi li an chak ve leh tawh. Inrinni zing dar 8:00-ah Atlanta Hawks an hmachhawn leh ang.