Vawiinah Rii & Hawla Football Final

Champhai DFA buatsaih Rii & Hawla Inter Village Football Tournament final chu vawiin chawhnu dar 1:00 hian Chhangphut Field-ah Zo­tlang leh Hnahlan ten an khel dawn.

Zotlangin coach Lalrintluanga (Saitea) kaihhruaina hnuaiah nikum final-a an hneh loh Khawzawl Vengthar chu semifinal-ah an hneh a, amaherawhchu an khing­pui tur hi Hnahlan an nih miau avangin an tum ram thleng turin kawng a la hautak hle.

Hnahlan-in player ṭha an ngah a, captain atana an hman Signal Corps midfielder Lalhuap­zauva bakah Dinthar FC mid­fielder hlui Ramengmawia leh Luangmual FC player hlui Tlangthanpuia ten final-ah an tawnhriat hman ṭangkai an tum ang.

Zotlang lam pawhin goal nga khung tawh Lal­hmuchhuaka an nei a, tlarhnungah NECS Cup 2017-a Chhinga Veng champion puitu K. Lal­thlahlova leh veteran defender Ramnunsanga te an neih avangin champion tur khawpin squad an nei ṭha bawk.

Chhangphut Field-ah khelh a nih dawn avangin Zotlangin ṭantu an nei ṭha dawn a, mikhual Hnahlan pawh an tam dawn. Hnah­lan Champhai Welfare chuan Champhaia Hnah­lan khaw chhuak zawng zawng an hui khawm a, final en tura Champhai pan an awm bawk.

Vawiin hian Champhai District huam chhunga foot-ball thiam ber veng/khua a hriat dawn a, football hmuh-nawm tak en tur a awm ang.