Liverpool rinrawl Mane season a tawp
Liverpool fan-ten chanchin lawmawm lo hriat tur an nei a, chu chu season tawp thlenga Sadio Mane inkhelh theih loh tur thu hi a ni. Reds manager Jurgen Klopp chuan, "Mane hi a khup hliam vangin zai a ngai a, tun season-a inkhelh leh hi a tan thil theih loh tluk a ni," tiin a sawi.
Everton nen an inhmachhawn ṭuma Leighton Baines nen ball an inchuhna lama inhliam Mane awm lo tur hi Liverpool tan chuan channa a ni. Kum 24-a upa forward hian tun season Premier League-a match 31 an khelh tawhah vawi 26 inkhelh bul a ṭan a, match nga bul a ṭan lohah hian Reds in hnehna an chang miah lo!
Zanin dar 7:30-a Stoke City lenchilh tur Liverpool damdawi In a lun a, Everton nen an inkhelh
ṭuma dam lo Philippe Coutinho a la nuamsam lo a, Adam Lallana-a'n zia lam pan mah se training a la zawm thei lo a, captain Jordan Henderson lo kir hun tur a la chiang lo bawk.
Reds-in players ṭha chhawr thei lo nual mah se Klopp-a'n Champions League khelh an la tum reng thu sawi nghalin, "Point 65 hi Champions League khelh nan a tawk lo a, point tam zawk kan beisei a ṭul," a ti a, Reds hian match sarih la hmabakin point 60 an nei mek.
Champions League khel tura Liverpool elpui leh hmelma kumhlun Manchester United chu Pathianni zan dar 6:00-ah an inlan dawn bawk a, table mawngphaha awm mek Sunderland an lenchilh dawn.
An match hnuhnung bera Everton draw-tu Jose Mourinho-a'n, "Ka player-te zingah inrintawkna tlachham an awm a, kan khel ṭha thei lo," a ti a, an intawn hmasaka 3-1 a an hneh tawh Sunderland lakah inrintawkna nena pen chhuak turin a naute a beisei.