Sorkar chungah MFA a lawm

MFA-in Sairang Dinthara football ground an chei ṭhat mek atana senso tur chief minister Lal Thanhawla'n a ruahmansak avangin Mizorama football thuneitu sang ber chuan lawmthu a sawi a, MFA president hmasa ber ni bawkin MFA-te hmalakna a thlawp tlat avangin thlamuanthlak an tih thu an sawi.

Hei bakah hian Tata Trusts-te nen ṭang kawpa football zirna changtlung, Centre of Excellence dinna tura 3rd Battalion MAP hmun Mualpuia Home Department-in hostel an luah hawhtir tur chu MFA chuan lawmthu a sawi a, hemi atana hmalaksaktu home minister R. Lalzirliana leh DGP Thianglima Pachuau chungah lawmthu an sawi bawk.