India hmasawnnaah Sunil Chhetri a lawm

FIFA ranking chhuak thar berah India-in 101-na dinhmun an luah a, India captain Sunil Chhetri chuan tun hnaia an hmasawnna chuan a tih lawm thu a sawi.

Kum 32-a upa striker chuan, "FIFA ranking chhuak thar ber ka en a, 101-na dinhmun kan luah tih ka hmuha ka awmdan hrilhfiahna awlsam ber chu 'hlim tak' tih hi a ni. He hlawhtlinna hi team, coaching staff, media leh fan-te thawhrim rah a ni a, a pawimawh ber chu hei hi kan ram tan a ni," a ti.

India tan vawi 93 inlana goal 53 khung thei striker chuan sawi chhunzawmin, "Ram tana ka khelh hun chhung zawnga kan ranking san ber ṭum kan tawng a, mah se kan hriatreng tur chu tunah hian hmabak hlen tur tam tak kan la nei a, AFC Asian Cup 2019 kan khelh a ngai a ni," tiin chawl thei an la nih loh thu a sawi.