Bengaluru tana khel tur Cleiton Silva

Asia khawmualpuia striker lar pawl Cleiton Silva chuan Indian Super League club Bengaluru FC a zawm a, Bangalore club tan hian kum khat chhung atan contract a ziak. 

Kum 33 mi Brazilian striker hian Thailand-ah goal khung theih vangin a hming a lo chher tawh a, India ramah pawh inthlahrun lutuk a tum lo ang. Kum 2012 leh 2016 khan Thai Premier League Top Scorer a ni thei. 

Silva hian an ram club Madureira-ah a career ṭanin kum 2010 khan Thailand a pan a, Osotsapa tan season hnih khelin match 38-ah goal 17 a khungsak. Kum hnih hnuah BEC Tero Sasana a zawm a, match 63-ah goal 44 ngawt a khung. 

Mexican club Delfines-ah khel zuai mah se a hming a chher thei lo a, Muangthong United-ah a kir - season thum chhungin match 91-ah goal 69 a khung a, a hawikir tawh lo. 

China League One club Shanghai Shenxin, Thai club Chiangrai United F.C leh Suphanburi tan khel lehin tunah chuan Bengaluru tan a khel dawn ta.

Cleiton Silva chuan, "Champion ka duh avangin Bengaluru hi ka zawm a, he club hian nomawi beiseiin a um reng tih ka hria," tiin a sawi.