Tlai dar 3:00-ah Charity Match MPFA Vs Kolasib XI

Vawiin tlai dar 3:00 hian Mizo Professional Footballers Association leh Kolasib DFA XI te chuan Kolasib Sports Stadium, Project Vengah Charity Match an inkhel dawn. Ticket pawh a zo vek tawh.

MPFA hi Mizo player sulhnu nei ṭha S. Malsawmtluanga (Mama), Jeje Lalpekhlua leh Lalrindika Ralte ten an ho thei dawn. Indian Super League leh I League player ṭhahnem tak an inlan bawk ang.

Charity match aṭanga sum hmuh hi Kolasib Poor Fund-ah chhunluh a ni dawn. MPFA president Jeje Lalpekhlua chuan, "Charity match a nih angin professional footballer-te hian midang tana luahchhuah hi kan duh. Chutihrualin tualchhung player tan pawh professional nih theihna kawng a awm tih hi kan kawh hmuh tum a ni. Kan han inhmachhawn ang a, kan danglamna a tam lo tih an hria ang a, chona an hmachhawn ngam phah ang. Chutihrualin professional ni thei tur hian tumruhna leh risk lak ngamna a awm tih erawh an hriat tel a ṭul," tiin Vanglaini a hrilh.

MPFA hi February 14, 2010 khan din a ni a, district hrang hrangah Charity match hi an buatsaih tawh ṭhin a ni.

MPFA Squad
Goalkeeper
1 Lalmuansanga
2 Lalbiakhlua jongte

Defender
3 Lalchungnunga
4 Jerry Lalrinzuala
5 Zohmingliana Ralte
6 Jones Lalthakima
7 Laldinliana
8 Sairuatkima
9 Lalramchullova
10 Hmingthanmawia
11 Lalhmangaihsanga (Papuia)
12 Ricky Lallawmawma

Midfielder
13 Malsawmtluanga Shylo
14 Lalthathanga
15 Lalramzauva
16 Lalrindika Ralte
17 Romawia
18 Malsawmzuala
19 Lalliansanga
20 Johny hmar
21 David Rinmuana
22 Rochharzela
23 Joseph Vanlalhruaia
24 Isaac Vanmalsawma
25 Lallianzuala Chhangte
26 Rozama Fanai
27 Adinga Tochhawng

Forward
28 Jeje Lalpekhlua
29 Daniel Lalhlimpuia
30 Samuel Lalmuanpuia
31 Lalawmpuia
32 Mark Zothanpuia
33 Rohmingthanga