C. Keikhuma Memorial Inter Village Football boruak a nung

Champhai District Football Association buatsaih, Upa C. Keikhuma Memorial Inter Village Football Tournament-ah Zokhawthar leh Melbuk ten semifinal an thleng. Vawiin hian quarterfinal match hnih khelh a ni dawn. Chhun dar 12:30-ah Tuipui leh Zotlang an inkhel ang a, tlai dar 2:30-ah Hnahlan leh Vengthlang te an inkhel leh ang.

Nimin khan Changphut Field-ah quarterfinal hi khelh a ni a, entu an ṭhahnem hle. Zokhawthar Zone hnuaia awm Mualkawi leh Zokhawtharte inkhel a hmuhnawm a, team pahnih danglamna chu Vanlalpuia a ni a, minute 16-naah goal awm chhun a khung.

Ṭantu ngah Ruantlang leh player nei ṭha Melbuk an inkhel chhunzawm a, coach Lalsangzuala Hmar hnuaia khel Melbuk-in minute 10-naah Vanlallawmtluanga penalty hmangin hma an hruai. Ruantlang an beidawng duh lo a, penalty hmang vekin minute 30-naah Vanlalawmpuia'n si phurh a sut. A tawpah player nei ṭha danglamna a lang a, Mizoram tan pawha khel tawh Lalsawmzela'n goal hnih khungin Melbuk 3-1 in an chak.

Champhai Inter Village Football

Quarterfinal
Nimin Inkhel
Mualkawi 0 - 1 Zokhawthar
ZOK : Vanlalpuia 16'
Ruantlang 1 - 3 Melbuk
RUA : Vanlalawmpuia 30' (P)
MEL : Vanlallawmtluanga 10' (P); Lalsawmzela 74', 90+2'

Vawiin Inkhel Tur
Tuipui 12:30 PM Zotlang
Hnahlan 02:30 PM Vengthlang