Bangalore leh Mumbai-ah Rinsanga inhnek dawn

Mizo zinga profes-sional boxing luhchilh hmasa Lalrinsanga chuan January 26 leh February 1 hian Bangalore leh Mumbai-ah inhnek a hmachhawn dawn.

Kum 20 mi Khawhruhlian tlangval Lalrinsanga hi Banga-lore-a ProBoxing event-ah Mallika Arjun nen featherweight (57kg)-ah an inhnek ang. Lalrinsanga hi December thla khan professional fight-a vawi ruk chak tawh Rakesh Lobchab nen inhnek tur an ni a, amaherawhchu CAB buai avangin Ferbruary 1 hian Mumbai-ah an inhnek dawn thung.

Lalrinsanga hi Mizo-ram aṭanga professional boxing record nei hmasa ber a ni a, September 2019  khan Mahesh Digari chu Delhi-a Mega Boxing event-ah  a lo hneh tawh a ni. Khawhruhlian tlangval hi Sete Boxing Academy-ah training a nei mek a, coach Sete-a chuan, "Sangtea hian record a neih ṭhat chhoh a, vawi rukte a chak chhoh theih chuan Youth World Title fight theih kan beisei," tiin Vanglaini a hrilh.