Hluntei awmna India team-in final lut

Hockey World League Round 2-ah Mizo nula Lalhlunmawii khelhna India team chuan final an lut. Vawiin tlai dar 4:00 hian Chile nen final an khel ang.

April 1 aṭanga Canada-a neih he inelnaah hian India-in an match hmasa berah Uruguay chu penalty-ah 4-2 in an hneh a, Belarus sikhat fai hneh lehin semifinal-ah Belarus bawk hi 4-0 in an sawp. Semifinal inkhel lehlamah Chile chuan Uruguay 2-1 in an hneh ve bawk.

India-in semifinal an luh chiah hian June-July a neih tur Women’s Hockey World League atan hmun an chang nghal. Women’s Hockey World League hi FIH Women’s World Cup 2018 khel tur zawnna a ni nghal ang.

Madhya Pradesh sorkar hnuaia Gwalior Academy-a awm mek Neihloh nula Hluntei chuan India tana a vawi khat feh chhuahnaah hian theih tawp a chhuah tur thu Vanglaini palai hnenah a lo sawi tawh.