Vettel hnehin Hamilton a chak

Lewis Hamilton chuan Sebastian Vettel hnehin nimin chhuna tlan zawh tak Chinese Grand Prix-ah pakhatna a ni. Mercedes driver hian tun season-ah hnehna a channa hmasa ber a ni a, championship-ah Ferrari driver Vettel nen point 43 ve ve an hmu.

Season ṭanna Aus­tralian Open-ah Hamil­ton-a'n pole position aṭanga bul ṭanin pakhatna a luah zo lo. China-ah pawh Hamilton bawk hi pole position luahtu niin a chelsual nawn lo, buaina lian tham tawk loin pakhatna a ni.

World champion vawi thum ni tawh Hamilton chuan, "Ka tawnhriat ve chinah chuan inelna hautak ber kum a ni dawn. Ferrari hian nasa takin hma an sawn tih hmuh hmaih theih a ni lo," a ti. Mercedes hi a zawnin season thum chhung team champion an ni tawh.

Red Bull driver pahnih Max Verstappe leh Daniel Ricciardo te chu Vettel hnungah an thleng a, Force India driver Sergio Perez (9) leh Esteban Ocon (10) te chu a sang 10 zingah an lang phak bawk.

April 16 hian tun sea­son-a intlansiak pathumna tur atan Bahrain Grand Prix tlan a ni leh ang.

Chinese Grand Prix Results
Driver Team
1 Lewis Hamilton Mercedes
2 Sebastian Vettel Ferrari
3 Max Verstappen Red Bull
4 Daniel Ricciardo Red Bull
5 Kimi Raikkonen Ferrari
6 Valtteri Bottas Mercedes
7 Carlos Sainz Toro Rosso
8 Kevin Magnussen Haas
9 Sergio Perez Force India
10 Esteban Ocon Force India