Malaysia Open champion Lin Dan
Nimin khan Malaysia Open final khelh a ni a, Chinese legend Lin Dan chuan khawtual tlangval Lee Chong Wei hnehin nomawi a chawi.
Stadium Perpaduan-a inkhelah Olympic champion vawi hnih ni tawh Lin Dan hian minute 55 chhungin 21-19, 21-14 in hnehna a chang. Badminton khawvela player langsar ber pahnihte hi vawi 38 an inhmahchawnna a ni a, Lin Dan hian ṭum 26 zet hnehna a chang.
Malaysian shuttler Chong Wei hian Beijing leh London Olympic gold medal match-ah Lin Dan hi a hneh tawh lo a, inkhel pawimawhah world champion vawi nga ni tawh Lin hi a chungnung zawk.
Hmeichhe inelna lamah Tai Tzu Ying chuan Olympic Champion Carolina Marin chu 23-25, 22-20, 21-13 a hnehin a champion ve bawk. World number 1 Tai Tzu Ying hian kuminah Super Series Premier title pahnih a lakna chiah a ni, Malaysai Open hma hian All England Championships-ah a lo champion tawh bawk.