ADFA Cup champion Darlawn A

Aizawl District FA hnuaia zone hrang hrangte inelna ADFA Cup chu Inrinni khan Darlawn Field-ah khelh zawh a ni a, inelna thlengtu Darlawn A chuan Phullen team Awksarala FC 3-2 a hnehin an champion.

Darlawn A hian semifinal-ah Keifang 2-1 in an hneh, final-ah hian Lalramchhana chuan goal hnih a khung bakah Jacob Lalhruaisanga chuan goal khat a khung ve bawk.

Saitual Zone aiawha khel Keifang tana goal ruk khungtu Lalnunmawia chu top scorer a ni a, Awksarala FC thiampuipa Lalrinpuia chu best player a thlan niin champion Darlawn A hian fair play award an dawng.