Baggies an chak ve ta

Premier League kai thar West Brom chuan Inrinni zan khan Sheffield United 1-0 in an hneh a, Baggies hi tun season-a an vawi khat chakna niin relegation zone an chhuahsan.

Hawthorns-a inkhelah Baggies tan Conor Gallagher-a'n minute 13-naah box pawn aṭangin goal kilah a pet lut. West Brom hian goal khung mah se hnehna chan erawh a awlsam lo.

Sheffield tan Oli McBurnie, John Fleck George Baldock leh substitute Lys Mousset ten chance ṭha an hlah a, Baggies goalkeeper Sam Johnstone chu man of the match-a thlan a ni.

Baggies hian point ruk hmuin 17-naah an awm a, Sheffield erawh point khat chauh an la hlawhchhuah avangin table mawngphahah an awm.