Mizoram sub junior team zin chhuak
Sub Junior National Football Championship khel turin nimin khan Mizoram team-in inelna neihna hmun tur Kerala an pan.
Final round-ah hian team 10 lutin Mizoram sub junior team hi Madhaya Pradesh, Uttar Pradesh, Odisha leh Kerala nen Group A-ah an awm a, Group B-ah West Bengal, Goa, Tamilnadu, Delhi leh Meghalaya te an awm ve bawk.
Mizoram hi April 17, Thawhṭanniah an match hmasa berah Uttar Pradesh nen Municipal Corporation Stadium, Calicut-ah inhmachhawn ang.
Inpuahchahna ṭha
Mizoram hian nikum December 12 aṭang khan training an ṭan tawh. North East Zone Qualifying-ah Manipur leh Arunachal Pradesh nen awm hoin Arunachal an inlan loh avangin Manipur nen vawi hnih an khelh a ṭul phah.
Bokaghat, Assam-ah January 6 khan Mizoram hian Lalnunsanga leh Lalrokima te goal hmangin Manipur 2-1 in an hneh. January 8-ah Mizoramin Lalrempuia penalty leh Lalnunsanga te goal hmangin 2-0 in an hneh nawn a, final round an thleng.
February 7 aṭangin Mizoram team hian training an ṭan leh a, inhliam vangin player paruk a thlak. RG Stadium-ah inkhulhin inpuahchahna an nei ṭha hle.
Champion beisei
Mizoram manager Zaihmingthanga chuan, "MFA-in ṭha taka training turin kawng hrang hrangah min pui ṭha a, residential camping kan neih theih avangin final round hmachhawn tur pawhin kan inpeih tawh hle a ni. Football-ah chuan vanneih leh vanduai kar a hla a, champion theih ngei erawh kan inbeisei," tiin Vanglaini palai a hrilh.
Mizoram hi manager Zaia bakah coach Vanromawia leh assistant coach H. Lalnunzira ten an ho a ni.
Mizoram Sub Junior Team
HMING NU/PA HMING VENG/KHUA
GOALKEEPER
1 H.Lalrinzuala H.Lalmalsawma Electric Veng
2 Ryan Lalṭhakima Renthlei R. Neihlaia Kolasib
3 David L.V.L Hmangaihzuala Lalṭanpuia Kolasib
DEFENDER
4 FC Lalhmunmawia FC Lalsawmliana Sairang Dinthar
5 Joshua V.L. Rinliana Ngente V.L. M.S Dawngliana Ramthar Veng
6 Rinhlupuia H. Lalnuntluanga Dawrpui
7 Obadia Lalramtleizuala Lallianmawia Chaltlang North
8 K. Lalhmingmawia K. Lalhriatrenga Venghlui
9 K. Lalfakzuala Laikhuma Ramthar Veng
MIDFIELDER
10 Lallawmawma Lalchuailova Sesawng
11 Vanlalpeka C. Lallawmkima Ramhlun Venglai
12 Vanlalpeka Lalhmachhuani Chaltlang
13 Vanlalrinchhana Lalramnghaka Champhai Tlangsam
14 J. Lalbiakliana J. Lalhmunsanga Armed Veng South
15 Lalrokima Lalremsiami Lengpui
16 Zosangpuia Zoremsiama Tlungvel Vengthar
17 Lalrempuia Hmar Hmingthanchama Ramthar Veng
FORWARD
18 Lalnunsanga Lalngaihawmi Kolasib Venglai
19 C. Zohmingsanga Zodinsanga Kawnpui Venglai
20 Lalruatmawia Lalremruata Chhingchhip
COACHING STAFF
Coach Vanromawia Chhinga Veng
Asst. Coach H. Lalnunzira Chanmari West
Manager Zaihmingthanga Venghlui