Zotlang leh Hnahlan an chak

Champhai District Football Association buatsaih, Upa C. Keikhuma Memorial Inter Village Football Tournament-ah Zotlang leh Hnahlan ten semifinal an lut. Semifinal hi June 23, Ninganiah khelh tur a ni a, Zotlang leh Zokhawthar te chhun dar 12:30-ah an inkhel ang a, chawhnu dar 2:30-ah Melbuk leh Hnahlan te an inkhel leh ang.

Nimin quarterfinal inkhelah Zotlangin Zonunthara hattrick hmangin Tuipui 3-0in an hneh a, inkhel hnuhnung zawkah Hnahlanin Vengthlang 2-1 in an hneh ve bawk. Hnahlan hian MS Dawngliana hmangin minute lina lekah an khung a, Vengthlang tan Stain Lalṭanzela'n minute 45-naah sut mah se Hnahlan tan VL Remruata'n minute 78-naah chakna goal a khung.

Semifinal lut pali Zotlang, Zokhawthar, Melbuk leh Hnahlan te hi All Mizoram Inter Village Football Tournament-ah an inlan vek dawn a, Upa C. Keikhuma Memorial football avangin match fitness ṭha tak an nei ang.

Quarterfinal
Nimin Inkhel
Tuipui 0 - 3 Zotlang
ZOT : Zonunthara 11', 51', 64'
Hnahlan 2 - 1 Vengthlang
HNA : MS Dawngliana 4'; VL Remruata 78'
VEN : Stain Laltanzela 45'

June 20, Thawhṭanni
Mualkawi 0 - 1 Zokhawthar
ZOK : Vanlalpuia 16'
Ruantlang 1 - 3 Melbuk
RUA : Vanlalawmpuia 30' (P)
MEL : Vanlallawmtluanga 10' (P); Lalsawmzela 74', 90+2'

Semifinal
June 23, Ningani
Zotlang 12:30 PM Zokhawthar
Melbuk 2:30 PM Hnahlan