Charity Match-in hlut a hlawh

Nimin tlai khan Kolasib Sports Stadium, Project Vengah Mizo Professional Footballers Association leh Kolasib DFA XI ten Charity Match an khel a, 3-3 in an inhnehtawk.

KDFA XI hian minute 14-na leh 56-naa Paul Ramfangzauva goal khung hmangin 2-0 in hma an hruai a, MPFA-in minute 60-naah Daniel Lalhlimpuia hmangin siphurh sut ṭhen mah se Vairengte tlangval David Lalhlansanga'n minute 70-naah goal thumna a khung.

Kolasib-in Mizo professional footballer ho lakah chak theihna hun ṭha an nei a, amaherawhchu Jeje Lalpekhlua'n minute 78-naah goal khungin Kolasib defender Calvin Zosiamliana'n minute 89-naah an lamah a tilut a, 3-3 in an inhnehtawk.

Charity match-ah hian ticket hralh zawh vek an ni a, an sum hmuh Rs 50,550 chu Kolasib Civil Hospital poor fund-ah an hlan. MPFA hi February 14, 2010 khan din a ni a, district hrang hrangah Charity match hi an buatsaih tawh ṭhin a ni.