PSG bul ṭanna tur Clermont

French Ligue 1 season thar atan fixture tihchhuah a ni a, champion lai Paris Saint-Germain chuan an match hmasa berah Clermont an hmachhawn dawn. Clermont hi season hma lama team talbuai, a tawpa inhamtang hram kha an ni.

Ruahman dan chuan August thla chawlhkar hmasa ber tawpah Ligue 1 an ṭan dawn a, thlasikah World Cup khelh a nih dawn avangin season dang aiin an ṭan hma dawn tihna a ni a, thlasik chawlh an neih hun pawh a danglam dawn.

November 14 aṭangin thlasik chawlh an nei dawn, an chawlh lai hian Qatar World Cup an khel thung ang; thlasik chawlh hian December 28 thleng a awh dawn, a vawi khat nan kum thar niah match a awm ang.

PSG hian a vawi 10 nan season hmasa khan league nomawi an chawi, champion hnem lamah Marseille leh Saint-Etienne te nen an intluk. Lionel Messi awmna team hian season tharah record siam an tum dawn a ni.