All Mizoram Inter Village Football Fixtures

Mizorama football inelna lian, LBS Suzuki All Mizoram Inter Village Football Tournament chu June 24, Zirtawpni aṭangin khelh ṭan a ni dawn. Inelna hi ground panga Lammual, RG Stadium, MFA Ground (Sairang Dinthar), MZU Ground leh Lengpui Field-ah te khelh a ni dawn a, team 204 tel chu group paliah ṭhen an ni.

First round-ah hian LC team leh VC team te chu intum thei lo tura siam an ni a, seeded team erawh an awm lo. Hemi a nih avang hian round hmasa berah hian veng ṭhenawm team inhmachhawn an awm lo.

Inter Village Football-ah hian Aizawl District aṭangin team 103 an tel a, heng zinga 71 hi AMC area-a awm an ni. Mamit (26), Kolasib (19), Serchhip (15), Saitual (13), Champhai (8), Khawzawl (8), Lawngtlai (6), Hnahthial (3), Lunglei (2) leh Siaha (1) te an tel bawk.

Tun ṭum inelna hi Mizoram Pre-mier League club ten player zawnna hun atan an hman dawn bakah phai aṭangin football scout-in an rawn thlir dawn. Mizoram khawpui khelmual hrang hrangah training ngawrh taka neih a ni a, a vawi khat nan Inter Village Football-ah match zawng zawng artificial turf-ah khelh a ni ang.