Bouchard a inhnukdawk

Tennis a khelh thiam bakah a hmelṭhat vanga hriat hlawh Eugenie Bouchard chuan Wimbledon a khel dawn lo. Grass court inelna lian bera a khelh loh tur chhan hi world ranking point a awm loh vang ni loin a dar (shoulder) hliam a la dam fel loh vang a ni.

Mipa leh hmeichhe tennis thuneitu sang ATP leh WTA chuan Wimbledon-ah hian ranking point an chhiar dawn lo. Ranking point awm loh chhan hi Russia leh Ukraine buaina nghawng a ni a, Russian leh Belarusian player an inlan ve theih loh vanga an tih a ni.

Kum 28 mi Bouchard chuan, "Ranking point awm lo mah se Wimbledon hi theih ni se chuan khelh ka duh. Mahse, ka dar hliam zai a ni a, ngai ka la awh leh thei chiah lo.

"Dam leh thuai turin training ka nei chho leh tawh a, nipui lai hian dam leh hman hram ka duh. US Open bakah season thar tira khelh tur Australian Open chu khelh ngei ka tum ang," tiin a sawi.