Wales manager a nihna Giggs-a'n a bansan

Ryan Giggs chuan Wales manager a nihna a bansan. Manchester United winger hlui hian November, 2020 khan a hna hi a lo chawlhsan lailawk tawh, heng thil hi a bialnu hlui laka mawi lo taka a chet vanga thubuai a neih nghawng a ni.

Giggs a chawlh lailawk lai khan Robert Page chuan Wales enkawl hna hi a lo thawk a, mumang rama an hmuh ṭhin a hruai thleng. Kum 1958 hnua a vawi khat nan Wales hian World Cup an khel dawn.

Kum 48 mi Giggs chuan, "Hun rei tak ka inngaihtuah hnuah Wales manager ka nihna chu ka bansan. Kan ram team ka enkawl kha ka ka lawmin hun hlu tak a ni.

"Mahse, tunah chuan Wales FA, player leh coaching staff-te hian thil dang ngaihtuah nei loin World Cup atan inbuat-saihna nei se ka duh," a ti. Football Association of Wales pawhin Giggs banna hi an pawm thu an sawi ve bawk.