Thla hnih chawl tur Mane

Liverpool forward Sadio Mane chu a khup hliam vangin thla hnih chhung a chawl dawn a, league match ruk chiah khelh tur nei tawh Reds tan season tawp thleng a inlan thei dawn lo tihna a ni.

Kum 25-a upa forward hi Merseyside Derby-a Everton nen an inhma­chhawn ṭumin Leighton Baines nen ball an inchuhna lamah a chesual a, Reds manager Jurgen Klopp chuan a player tan hian tun season-a inlan leh chu thil theih loh tluk a nih a rin thu a lo sawi tawh. Tunah erawh zai a nih tur thu tihchian a nih tak avangin a chawlh hun chhung tur tihchian a ni ta.

Senegalese forward hian nikum nipui transfer lai khan Southampton aṭangin Liverpool hi pound makta-

duai 34-in a zawm a, Premier League match 27-ah inlanin goal 13 ngawt a khung sak. Mane hian tun season Reds league match-ah vawi ruk chiah inkhel bul a ṭan lo a, heng zingah hian Liverpool hian vawi khat chiah hnehna an chang thei.

Liverpool damdawi In a lun a, Mane bakah player pawimawh Adam Lallana leh captain Jordan Henderson te chu hliam vangin an chawl mek.