Penalty vawi hnih hlahtu Oscar

Brazilian midfielder Oscar-a'n pound maktaduai 60 zetin Chinese Super League lam pan mah se AFC Champions League-ah Shanghai SIPG tan match khatah vawi hnih ngawt penalty a pet goal lo!

Shanghai SIPG hian Japanese club Urawa Red Diamonds hmachhawnin 1-0 in an tlawm. Urawa tan Rafael Silva-a'n goal hmahruai a khung hnuah Oscar hian ama penalty hlawhchhuah chu petin J League club keeper Shusaku Nishikawa chuan ṭha zetin a dan sak a, minute 11 hnua an penalty hmuh leh erawh Oscar hian a pet over thung!

Chelsea midfielder hlui Oscar-a khelhna Shanghai hian an chak loh avang­in Group F-ah pahnihna dinhmun an luah phah a, Urawa an hmachhawn hma hian playoff nen Oscar hian match li an khelhah goal a khung vek.