Monaco GP tlan lo tur Alonso

McLaren driver Fernando Alonso chu May thla a tlan tur Formula 1 Monaco Grand Prix-ah a inlan dawn lo.

World champion vawi hnih ni tawh Alonso hi May 28 khian Andretti Autosport IndyCar team tan a inlan dawn a, he hunah hian McLaren car a khalh ang. Formula 1 Monaco GP nen inrual dawn mah se McLaren leh an thawhpui Honda chuan an driver hi Indianapolis 500-a inlantir an duh zawk!

Kum 35-a upa Alonso aiawh tur hi an ruat dawn em tih a la chiang lo, hetihlai hian intlansaik chawlhsan tawh, 2009 world champion Jenson Button chu McLaren hian an rawih rin a ni.

Spanish driver Alonso chuan, "McLaren, Honda leh Andretti Autosport ten thawhhona ṭha kan neih theih nana mi ṭangkaite zinga ka tel ve zel thei hi ka lawm. Formula 1 intlan­siak pakhatah inlan thei dawn lo mah ila June thla tira tlan tur Canadian Grand Prix-ah erawh ka inlan theih ngei ka beisei," tiin a sawi.