Davis Cup World Group Playoff India hmachhawn tur Canada

Ram leh ram mipa tennis team hmanga inelna Davis Cup World Group playoff-ah India chuan September 15-17 khian Canada a lenchilh dawn.

India hian tun hnai kum thum chungin Serbia, Czech Republic leh Spain te hmachhawnin an hneh lo vek. Canada nen hian tunhmain an la intawng ngai lo, an vawi khat inkhelhna tur a ni ang. India hna hi a awlsam dawn lo, Canada hian world number 6 Milos Raonic an nei.

India captain Mahesh Bhupathi chuan, "Kan theihna zawng zawngin kan bei ang. Huaisen takin kan khelh a ngai dawn a, inelna neih hun tur a la hlat deuh avangin inbuatsaihna hun kan nei tam - ṭangkai taka kan hun neih hman kan tum ang," a ti.

India hian Asia-Oceania second round paltlang turin an mikhual Uzbekistan chu 4-1 in an hneh a ni.