CWG thlen tum Liverpool

Liverpool khawpui chuan kum 2026 Co­mmon­wealth Games thlen an tum thu an ti chiang a, infiamna khawmpui lian an thlen theihna tur hian hma la tur pawl an din nghal bawk.

Sports executive Brian Barwick chu chairman atana ruat niin, ani kaih­hruaina hnuaiah hian 2026 Commonwealth Games an thlen theihna turin ruahmana an siam ang. Liverpool bakah hian Birmingham leh Man­chester te chu he khawmpui lian thlen beisei a dil tum langsar an ni.

Liverpool mayor Joe Anderson chuan, "Brian Barwick-a'n kan sawmna a pawm hi ka lawm hle. Ani hi khawvel huap pawha mi hriat hlawh niin a theihna leh thiamna hmangin chak takin hma kan lak theih ngei kan beisei," a ti.

Kum 2022 Common­wealth Games thleng tura tih Durban chuan March thla lawk khan an thlen theih loh tur thu an lo ti chiang tawh. CW Games Federation chief execu-tive David Grevemberg chuan khawpui dang an ngaihven nghal thu a lo sawi tawh bawk.

South Africa khawpui pakhat Durban-in sum leh pai harsatna vanga 2022 Commonwealth Games an thlen theih dawn loh takah chuan Liverpool leh Birmingham te chu he games thleng thut thei tura beisei an ni. Hetiang a nih chuan Liverpool hian an duh aia hmain he games hi an thleng thei dawn tihna a ni ang.