PBL khelh hun an sawn

Badminton inelna zinga sum tamna ber Premier Badminton League (PBL) chu a hunah an khel thei dawn lo. India rama inelna buatsaih ṭhin hi Covid-19 vangin a hunah an khel thei dawn lo a ni.

PBL hi Badminton World Federation hnuaia inelna a ni lo a, season chawlh lai December thla tawp leh January thlatir lama khelh ṭhin a ni. Kuminah pawh khelh tura ruahman ni mah se a hun an sawn a ngai ta zawk.

Tournament thlengtu leh buatsaihtu Sportzlive-a an manager director Prasad Mangipudi chuan, "Hriselna leh himna hi kan ngaih pawimawh hmasak ber a ngai.

Badminton Association of India bakah inelna lama kan thawhpui ṭhenkhat nen sawiho a ni.

"Ngun taka kan sawi khawm hnuah nakkum hun remchang laia buatsaih ni se kan ti. Tournament kan buatsaih thei dawn a nih chuan player-ten inbuatsaihna an neih theih nan a hma thei anga inhrilh hriat a ni ang," tiin a sawi.

PBL hi season nga chhung kalpui a ni tawh, season hmasa khan champion lai Bengaluru Raptors chuan Gachibowli Indoor Stadium, Hyderabad-ah nomawi an kawl lai chu an humhim.