Dybala-a'n contract thar ziak

Juventus forward Paulo Dybala chuan a club-ah hun rei zawk cham chhunzawm turin contact thar a ziak, a contract thar ang chuan Italian champion tan hian kum 2022 thleng a khel ang.

Kum 23-a upa Dybala hian tun season-ah Turin club tan hian inelna hrang hrangah goal 16 a khung tawh. Champions League quarterfinal-a Barcelona 3-0 a an hneh ṭuma goal hnih chu a khung a ni.

Argentine forward Dybala chuan, "Nomawi tam tak chawi ka duh bakah inelna lian hrang hrangah champion ka duh, chumi ti thei tur chuan Juventus hi awmna tur hmun dik a ni," tiin a club a dah sang hle.

Serie A hmahruaitu Juve hian a zawna season nga nan league nomawi an beisei mek, zanin dar 6:30 hian Pescara an lenchilh ang.