Nipuiah a chiang ang - Ozil

Arsenal playmaker Mesut Ozil chuan North London club tan a khelh chhunzawm zel dawn leh dawn loh chungchang chu season tawpah a chian tur thu a sawi.

Kum 28-a upa Ozil hian Gunners tan seasson thar lo awm leh tur tawp thleng bak contract a nei tawh lo, hun rei zawk cham tura an sawmna chu a hnar. Manager Arsene Wenger pawhin a player pawimawh contract thar chu nipui transfer laia an tihfel tur thu a lo sawi tawh bawk.

Real Madrid aṭanga Arsenal zawmtu Ozil chuan,"Tun dinhmuna pawimawh ber chu kei leh player dangte ni loin Arsenal a ni. Kan team hian hun harsa kan hmachhawn mek a, a paltlang theih dan tur hriat hi a ngai," a ti.

Germany international chuan sawi chhunzawmin, "Result ṭha kan neih theih loh laia mimal contract lo sawi chhen hi a hun lo, nipui chawlh a nih hunah ka hma hun chu a chiang mai ang," tiin a sawi.

Arsenal hi Premier League-ah parukna an ni mek a, season thara Cham­pions League khel thei lo tur dinhmunah an awm. Germany inter­national midfielder Ozil bakah hian Alexis Sanchez hma hun pawh a chiang lo.

Ozil hian kum 2013 khan Spanish club Real aṭangin Arsenal hi pound maktaduai 42 in a zawm a, Gunners player manto ber leh hlawh hnem ber (£140,000) niin FA Cup vawi hnih a chawi pui tawh a, an duh ber league nomawi erawh a la chawi pui thei lo.