Riders leh Indians chak
Indian Premier League vawi 10-naah Mumbai Indians chuan Nilaini zan khan Sunrisers Hyderabad chu wicket liin an hneh a, Ningani zan khan Kolkata Knight Riders-in Kings XI Punjab chu wicket riatin an hneh leh bawk.
Knight Riders, Sunrisers, Kings XI leh Indians te hi a chung paliah awmin match thum khelh tawhah vawi hnih ṭheuh an chak a, vawi khat ṭheuh an chak lo bawk. Kolkata club hi NRR (net run rate) hmanga hmahruaitu an ni.
Vawiin tlai dar 4:00 hian Knight Riders leh Sunrisers te an inkhel ang a, zan dar 8:00-ah Delhi Daredevils leh Punjab Kings XI te an inhmachhawn ang. Pathianni tlai dar 4:00 hian Mumbai Indians-in chak la nei lo Gujarat Lions an hmachhawn ang a, zan dar 8:00-a inkhel tur chu Royal Challengers Bangalore leh Rising Pune Supergiant te an ni.