AC Milan an hralh

Italian club hlun AC Milan chu Chinese sumdawng Rossoneri Sport Investment Lux kutah a lut pumhlum ta, Milan an hralhna zat hi pound maktaduai 628 a ni.

Italy prime minister hlui Silvio Berlusconi-a'n kum 1986 aṭangin Milan hi a nei ṭan. Berlusconi hnuai­ah hian Serie A nomawi pariat bakah European Cup panga zet an chawi.

Mahse, tun hnaiah Milan hian beisei an phak lo. Kum 2011 hnu lamah league-ah an la champion leh lo a, season hnuhnung pathuma an thlen chin chu - 7, 10 leh 8-na te a ni. Tun­ah hian league table-ah parukna niin hma­hruaitu Juventus an phak lohna chu point 20 zet a ni.