MSL khel tur Khatla South Barons

Mizoram Super League (MSL) khel turin Khatla South Barons an tling, basketball inelna sang berah hian season 8 aṭangin Barons hi kan hmu dawn.

MSL khel tur zawnna hi R. Dengṭhuama Indoor Stadium, Mualpuiah khelh niin, nimin khan final inkhel hmuhnawm takah Khatla Barons hian LB Associates Bungkawn chu 91-70 in an hneh.

MBBA Division 1 Screening Tournament 2022-ah hian club pariat an awm, club zawng zawng hi vawi hnih ṭheuh an inkhel kual. A sang paliin 'Play In' an khel a, a hniam pahnih VMS Kulikawn leh Kanan Basketball Club te chu division 2 lamah an tla.

MSL-ah hian team paruk - Zarkawt BCA, Khatla TBL, Chanmari Vikings, Tuikual South, Mission Veng Hotshots leh Chawnpui te an awm mek. MSL 7 league round an khelh zawh hunah a hniam ber chu division 1 lamah hian an tla ve leh thung ang.