Australia-in India an hneh

Nimin khan Australia-in an mikhual India chu an hneh nawn a, ODI match thum an khelh tur aṭangin match hniha an chak avangin series an la chiang tawh.

Zirtawpni khan ODI match hmasa ber khelh a ni a, Australia-in run 374/6 zet an vaw chhuak. Mikhual India hian run 308/8 chauhin an chhanglet a, run 66-in Aussie an chak.

Pathianni khan ODI match hnihna an khel a, Australia bawk bat hmasain run 389/4 tehmeuh an siam. Australia-in Sydney Circket Ground-a ODI bika run an siam tam ber ṭum a ni.

India-in over 50-ah run 338/9 chauhin an chhanglet thei a, Australia run 51-in an chak.

ODI match thumna hi Nilaini chawhma dar 9:00 hian Manuka Oval-ah khelh a ni dawn a, Australia-in an mikhual India hi 'whitewash' an tum ang.