Futsal Workshop MFA Office & RG-ah registration

April 18, 2017 hian All India Football Federation leh Mizoram Football Association ṭang­kawp chuan Rajiv Gandhi Stadium, Mualpuiah Futsal lam zir chianna leh bul ṭanna tur, ‘Futsal Introductory Workshop’ a buatsaih dawn.

Workshop-a tel duhte chuan vawiin thleng MFA Office, City Park-ah office hun chhungin registration fee Rs 50/- pein a inziah luh theih. Vawiin a ti hman lo tan Thawhlehni zing dar 9:00-10:00 chhung­in a hmunah a tih theih bawk ang. MFA Futsal Committee chuan Futsal lama tui mi tupawh tel turin a sawm.

Futsal Introductory Workshop neih turah hian Mizoram Premier League club aiawhte leh Aizawl DFA hnuaia division hrang hrang club, Aizawla awmte chu club aiawh pakhat ṭheuh tal tir tura hriattir an ni.