UEFA-in Lyon leh Besiktas thubuai siam sak
Europe-a football thuneitu sang ber UEFA chuan Ningani zana Europa League-a inhmachhawn Lyon leh Besiktas chu inkhelh hmaa club pahnih fan-te an intihbuai avangin thubuai a siamsak.
Parc Olympique Lyonnais-a club pahnih inkhel hi fan-te intihbuai vang hian minute 45 zetin khelh tlai a ni hial. Lyon hi thubuai pali siamsak niin Turkish club Besiktas hi thubuai pathum siamsak an ni thung. UEFA chuan club pahnih thubuai an ngaihtuah hun tur erawh an la tichiang lo thung.