Grass-ah Nadal a inkhel leh ta

Rafael Nadal chuan kum thum hnua a vawi khat nan grass court-ah tennis a khel leh ta. Spanish star hian Wimbledon inbuatsaih nan Hurlingham Club-ah exhibition match a khel, ṭha pangngai takin match a khel thei a ni.

Nadal hian a vawi khat nan Australian Open leh French Open nomawi chu a zawnin a chawi, tun hma lama a tih theih ngai loh season khat chhunga major title pali kawl khawm vek a tum - Wimbledon a khel leh nghal dawn.

Grand Slam vawi 22 champion tawh Nadal chuan, "Hun rei tak chhung grass-ah ka inkhel lo, chumi hnuah hlawhtling taka ka khel leh thei hi ka lawm," a ti. Nilaini zan khan Stan Wawrinka 6-2, 6-3 in a hneh a ni.

Nadal bakah hian Novak Djokovic pawh a inlan. Wimbledon champion lai hian world number 9 Felix Auger-Aliassime chu 6-2, 6-1 in a hneh ve bawk a, tun kar chhungin match dang an khel leh bawk ang.

Vawiin hian Wimbledon khel tur an pawt (draw) dawn. World number 1 Djokovic hi seeded pahnihna a ni a, world number 4 ni mah se Nadal chu seeded pahnihna pek a ni - player ṭha pahnih hi final hma chuan an inhmachhawn thei dawn lo tihna a ni.