Arsenal-in Raphinha an dawr

Leeds United playmaker Raphinha lak tumin Arsenal an che chhuak a, indawrna an kalpui mek. Mahse, khawthlang media ten an tarlan dan chuan Gunners-in lei dilna an thehluh hi Leeds chuan an hnawl phawt a rinawm.

Brazil forward hian season hmasa khan Premier League-ah goal 11 a khung, mual sir lama tlan thiam niin a inkhel a hmuhnawm a, ball a thiam bakah ṭhiante tana ṭangkai ṭhin a nih avangin club lian dang pawhin an ngaihven.

Barcelona chuan kumin tir lam aṭang khan Raphinha hi an lo buaipui tawh, amahereawhchu Catalan club sum theh chhuah phal zat chu Leeds-in pawm an tum lo, chutihrualin tun nipui bazar chhung hian khawi club ber emawah chuan a chhuah a rinawm.

Leeds aṭangin England midfielder Kalvin Phillips lak tumin Manchester City an che ve bawk a, ani man chungchangah pawh hian club pahnih an la inrem chuang lo. An player ṭha pahnih hi hum tum viau mah se a harsa mai thei.