Muaythai-ah Mizoram hlawhtling

National Muaythai Championship 2022 neih zawh takah Mizoram team an che ṭha hle. Dewas, Madhya Pradesh-a inelna neihah Mizoram hian gold medal panga leh bronze medal pakhat dawngin a pumpuiah 10-na an ni.

India ram state leh UT hrang hrang aṭangin player 600 chuang zet an tel a, gold medal 22, silver medal 14 leh bronze medal 7 latu Assam an cheṭha ber.

Tun ṭumah hian Mizoram aiawhin player 10 kalin, kum 2018 leh 2019-ah te Mizoram chu India-ah overall champion an lo ni tawh a ni.

Kumin National Muaythai Championship-ah hian Muay-thai fight pangngai bakah professional fight buatsaih tel a ni a, lam intihsiak (Wai Kru Competion) awm bawkin heng intihsiakna dangah hian Mizoram an tel ve lo.