Saints-in Bochum defender an lalut

Southampton chuan Bundesliga club Bochum aṭangin euro maktaduai 10 (£8.6m) in defender Armel Bella-Kotchap an lalut. Kum 20 mi Bella-Kotchap hian kum li daih contract a ziak.

Germany Under-20s international Armel Bella-Kotchap hian season liam ta khan Bochum tan match 22 a khel a, kum 2021-a Bochum-in Bundesliga 2 aṭanga Bundesliga an kai theihna kawngah player pawimawh a ni.

Southampton manager Ralph Hasenhuttl chuan, "Theihna sang tak a nei a, kan duh ang player a ni. Ama tan pawh kan bula a rawn kal hi duhthlanna fing tak a ni," tiin a sawi.