Sevilla beiseina a sang zel

Season thara Champions League khelh tum Sevilla chuan 2-0 a Mallorca hnehin top four-a an dinhmun an sawh nghet zel a, Lucas Ocampos (penalty) leh Youssef En-Nesyri-ten goal khat ve ve an khung. 

Sevilla tan Champions League a chiang tiin a sawi theih - nizana inkhel Villarreal-in an hmabak match thumah hnehna chang vek pawh ni se Sevilla lehpela top four luah tur chuan Sevilla hi an hmabak match hnihah an tlawm ve ve a ngai dawn a ni. 

La Liga inkhel ngaihven hlawh dangah Leganes chuan 1-0 in Valencia an hneh a, minute 18-naah Ruben Perez chuan penalty aṭangin goal awmchhun hi a khung - minute 54-naah Leganes defender Jonathan Silva hnawhchhuah ni mah se a tam zawk nichungin Valencia an tho thei lo.