Vawiinah Futsal Introductory Workshop

Mizoram Football Association leh All India Football Federation ṭang­kawpin vawiin chawhma dar 10:00 aṭangin RG Stadium, Mualpuiah Futsal Introductory Workshop an buatsaih dawn.

Resource person tur chu Sanjay Kumar a ni a, ani hi football inelna pangngai leh futsal-ah senior manager, com­peti­tions AIFF leh AFC match commissioner a ni. Vawiina an zir ho tur hi futsal history te, Asia rama futsal thlen chin te, futsal dan te, futsal leh football khai­khinna neih a ni dawn a, inelna buatsaih dan te zirho a nih dawn a, practical nena zir nghal a ni ang.

Workshop-a tel duh tan 9:00 AM-9:45 AM inkarah registration a la tih theih dawn a, registration fee hi Rs 50 chauh a ni. Practical neih a nih dawn avangin sports dress kim nena kal tur a ni a, a tel zawng zawng hnehah participation certificate pek an ni vek dawn a, ei leh in tur hi MFA-in a tum vek ang.