Mizoram-in UP an hneh

Sub Junior National Football Championship-ah Mizoram-in an match hmasa berah Uttar Pra­desh 3-0 in an hneh.

Municipal Corpo­ration Stadium, Calicut-a inkhel­ah Mizoram tan Tlungvel Vengthar rawlthar Zo­sangpuia'n goal hnih a khung bakah Armed Veng South rawlthar J. Lalbiakliana'n goal khat a khung bawk.

Uttar Pradesh hian an match hmasa berah Madhya Pradesh nen goal awm loin an in­hnehtawk a, group khatah team nga an awm avangin Mizoram tan erawh nimin inkhel hi an match hmasa ber a ni. Nimin tlai khan Group B inkhel dangah Madhya Pradesh leh Odisha te an inkhel bawk

Mizoram coach Van­ro­mawia chuan, "Na­tu­ral grass a nih avangin har­­satna nei mah ila kan inpuahchahna ṭha a langin ka hria. Kan zirin angin kan khel a, kan goal khung pawh 'team goal' a ni," tiin Vanglaini a hrilh.

Mizoram hian Nilai­ni zing dar 7:15 hian Madhya Pradesh an hma­chhawn leh ang.

Inkhel Result

Mizoram 3 - 0 Uttar Pradesh

MIZ : Zosangpuia 9', 25';

J. Lalbiakliana 15'