Zokhawthar hmaah Melbuk

Champhai District Football Association (CDFA) buatsaih Upa C. Keikhuma Memorial Football Tournament chu vawiinah a hmawr bawk a ni dawn, tualchhung football inelna ngaihhlut hlawh takah hian Zokhawthar leh Melbuk ten nomawi an inchuh ang.

Chawhnu dar 1:00-ah tournament kharna hun hman ṭan tur a ni a, chumi hnuah final khelh a ni ang. Champhai mai bakah a chhehvel aṭanga football ngainatuten Chhangphut Field an pankhawm dawn, mipui an tam leh dawn tih a sawi ngam.

A bik takin knockout stage chinah entu an tam ṭhin, semifinal pawh a hmunah mi 5000 bawr velin an en. Vawiinah pawh ṭhutna ṭha chang duh tan chuan kal hma a finthlak ang.

Tournament-ah hian Champhai leh a chhehvela player ṭha bakah, Mizoram hmun hrang hrang aṭangin player ṭha an kal khawm nual a, football hmuhnawm chhawp chhuah ṭhin a ni.