Serena te an inhnukdawk

Serena Williams leh a ṭanpui Ons Jabeur te chu Eastbourne International an khelh lai aṭangin an inhnukdawk, inelna an hmachhawn chhunzawm theih loh chhan hi Tunisian player Jabeur-i khup a hliam vang a ni.

American star Serena-i'n hun rei tak hnuah tennis a khel pangngai ve leh chauh a, singles la khel leh chiah lo mah se doubles lamah result an nei ṭha. Mahse, an duhthusam ang erawh chuan inelna an hmang tluan thei ta lo.

Kum 40 mi Serena hi Wimbledon atan wildcard pek a ni, a ṭanpui Ons Jabeur erawh seeded pathumna a ni dawn. Grass court inelna lian ber hi July 27, Thawhṭanni aṭangin main draw an khel ṭan ang.