Newcastle keeper thar Nick Pope

Newcastle United chuan Nick Pope an lalut. England goalkeeper hi Premier League aṭanga tla hlim Burnley aṭangin an lalut a, season li daih contract ziakin a man zat erawh tarlan a ni lo thung.

Kum 30 mi Pope hian Turf Moor-ah season ruk a hmang hman, English football inelna sang berah tawnhriat a nei ṭha tawh hle. Tunah chuan St James' Park-ah chona thar a hmachhawn dawn a, a lakah beisei an nei sang dawn.

Magpies manager Eddie Howe chuan, "Premier League mai bakah international level thlenga tawnhriat nei ṭha a ni a, kan squad ti chak tura ani kan lalut thei hi ka lawm hle," tiin a sawi.

Kum 2019 khan Pope-a'n Burnley a zawm a, Clarets tan hian league match 141 khel tawhin team tana player ṭangkai berte zinga mi a ni ṭhin. Season hmasa khan EPL match 36 a khel, ṭum hnih chiah inlan loh a nei hial.