Champhai football roreltu Melbuk

Upa C. Keikhuma Memorial Inter Village Football Tournament chu Inrinni khan khelh zawh a ni. Chhangphut Field khat tlata fans pungkhawm hmaa inkhelah Melbuk chuan Zokhawthar 3-0 a hnehin an champion.

Zokhawthar keeper Ramchhuanpuia chu a tir lamah a che ṭha, chawlhlawk hmain an lama lut tur ṭum thum chu ṭha zetin a dang. Melbuk lam ven reng theih erawh an ni lo - Ephraim Lalremtluanga, Lalnunmawia leh captain Lallawmtluanga ten goal an khung.

Lalsangzuala Hmar enkawl Melbuk hi tournament chhung zawnga team hmuhnawm leh ṭantu ngah an ni a, Champhai district chhung mai bakah Mizoram khaw dangte pawhin an ngaihven tournament-a champion phu khawpin an khel chhuak.

Champhai District Football Association buatsaih inelnaah hian, champion Melbuk hian cheng nuai khat an dawng a, pahnihna Zokhawthar hian Rs 50,000 an dawng thung.