Cricket player zawnna

Cricket Association of Mizoram (CAM) chuan Men’s Under-19 leh Under-16 Boys open trial a buatsaih dawn a, kum bithliah a tel thei chin te tel vek turin an sawm. Kum zat en nan Birth Certificate Digitalise/Aadhar Card ken vek tur a ni ang.

Men’s Under-19 Trial chu 2nd July 2022 chawhma 10:00 AM aṭanga ṭanin Ramhlun Sports Complex field-ah neih tur a ni, trial a telturte chu 1st September 2003 hnulam a piang an ni tur a ni.

Under-16 Boys Trial hi 6th & 9th July 2022 zing 10:00 AM aṭanga ṭanin Ramhlun Sports Complex Field-ah neih tur a ni, trial a tel tur te chu 1st September 2006 hnulam a piang an ni tur a ni thung.