Serchhipah Vengchung an sang

Serchhip District Football Assosiation hriatpuina a khelh F. Zothanmawia Memorial Inter-Branch YMA Football Tournament chu a hmawr bawk a ni a, tualchhung football inelna ngaihhlut hlawh takah hian Vengchung an champion.

Inrinnia khelh zawh tak final hmuhnawm takah Vengchung hian Lalpekhlua goal hnih leh, Lalchawimawia goal khat hmangin Chhekhnai 3-1 in an hneh a, an player ṭha David Lalawmpuia chu best player atan thlan a ni nghal bawk.

THLIRNA TAWI
Final - June 25, Inrinni
Chhekhnai 1 - 3 Vengchung
CHE: Lalthuthlunga 71'
VEN: Lalchawimawia 23'; Lalpekhlua 40', 86'

Champion Vengchung
Runner up Chhekhnai
Best player David Lalawmpuia, Vengchung
Best young player Lalthuthlunga, Chhekhnai
Top Scorer Rodingsanga (6 Goals)
Chhim Veng
Best Goalkeeper C. Lalhriatzuala, Field Veng