Simon lakah Djokovic a chak

Novak Djokovic chuan Monte Carlo Masters-a a match hmasa berah Gilles Simon a hneh a, World number 2 Djokovic hian 6-3, 3-6, 7-5 in hnehna a chang a ni.

Serbian thiampuipa hi a kiu a hliam avangin kuminah beisei angin a inkhel tam tawk rih lo. Tun season-a clay court match a khelh vawi khatnaah world number 32 lakah a talbuai deuh hman, set thumna-ah Simon hian 5-4 a nih laiin a service a, Djokovic hian a chhuhsak hram - tie break khelh zui niin hnehna a chang thei hlauh.

Vawi hnih a champion tawhna Monte Carlo-ah Djokovic hi first round-ah a bye a, Simon a hneh hian last 16 a lut nghal - nizan khan Viktor Troicki nen an inhmachhawn leh a, result kan hre hman lo.

Kum 29-a upa Djo­kovic chuan, "Clay-a inkhelh hi chu engtiklai mahin a awlsam ngai lo. Roland Garros inbuatsaihna a ni nghal zel a, service bikah hmasawn ka ngai hle," a ti. Djokovic hian nikum khan a vawi khat nan French Open nomawi a chawi.

Inkhel dangah beisei loh result kan hmu, seeded pasarihna Jo-Wilfried Tsonga chu Adrian Mannarino lakah 6-7 (3-7), 6-2, 6-3 in a tlawm. Gilles Muller, Lucas Pouille, Tommy Haas leh Karen Khachanov te pawhin an khingpui ṭheuh an hneh ve bawk.