Mizoram an chak nawn

Sub Junior National Football Championship-ah Mizoramin nimin khan Madhya Pradesh 2-0 in an hneh a, vawi hnih khelhah goal chhuah loin vawi hnih an chak.

Municipal Corporation Sta­dium, Calicut-a inkhelah hian Lalnunsanga'n goal hnih a khung a, Kolasib Venglai rawlthar Nun­sanga hian final round luh theih nana Manipur nen match hnih an khelh ṭumin a khung ve ve bawk.

Mizoram hian an match hmasa berah Uttar Pradesh an hneh tawh bawk avangin point ruk an hmu a, Group A hmahruaitu an ni. Coach Vanromawia enkawl team hian Zirtawpni zingah Odisha an hmachhawn leh ang.

Mizoram khingpui tur Odisha hian an match hmasa berah inelna thlengtu Kerala hneh mah se Madhya Pradesh lakah an chak lo. Inkhelh tawhna thlirin Mizoram hi chak tura ngaih an ni.

Vawiin hian Group B-ah Meghalaya leh Tamilnadu bakah Goa leh Delhi te an inkhel ang.

Inkhel Result
Mizoram 2 - 0 Madhya Pradesh
MIZ : Lalnunsanga 18', 70'